September 29, 2026 | News by PISD
Bilang bahagi ng pagdiriwang ng anibersaryo ng Philippine Institute of Civil Engineers (PICE) – Oriental Mindoro Chapter, ipinagpatuloy ngayong araw ang libreng serbisyong pangkalusugan para sa mga residente ng Barangay Navotas, Lungsod ng Calapan.
Kabilang sa mga serbisyong isinagawa ang bloodletting activity katuwang ang Oriental Mindoro Blood Council (OMBC) at libreng pagpapabunot ng ngipin.
Nagkaroon din ng feeding program para sa mga mag-aaral ng Navotas Elementary School at Villa Antonio Elementary School bilang bahagi ng community outreach ng PICE-OrMin. Namahagi rin ng tsinelas at hygiene kits para sa mga mag-aaral ng dalawang paaralan.
Ipinagkaloob naman ng mga volunteer doctors at health professionals ang libreng serbisyong medikal, dental at optical, kabilang ang mga mula sa Oriental Mindoro Provincial Hospital (OMPH) at Provincial Health Office (PHO).
Kabilang sa mga nagbigay ng libreng serbisyo sina Dr. Cielo Angela A. Ante, Dr. Manuel Luna III, Dr. Patricia P. Caballero, Dr. Claire R. Abel, Dr. Charmaine R. Fontamillas, Dr. Nelia M. Cantos, Dr. Leo L. Espallardo, Dr. Elizabeth R. Macatol, Dr. Shaira Joy C. Mendoza, Dr. Nerelyn S. Marciano, Dr. Dante A. Nuestro at Dr. Joy Christine A. Salvador.
Nakibahagi rin sa aktibidad ang PhilHealth, Philippine Pharmacists Association (PPhA) Oriental Mindoro Chapter, Drugstore Association of the Philippines, Inc. (DSAP) Oriental Mindoro Chapter, Department of Information and Communications Technology (DICT) at iba pang partner agencies at volunteers.
Pinangunahan naman ni PICE-OrMin President at Provincial Engineer Edylou Tejido, kasama ang iba pang opisyal at miyembro ng PICE-OrMin, ang nasabing aktibidad bilang bahagi ng kanilang pagdiriwang ng anibersaryo.
Dumalo rin sa aktibidad si Kapitan Lauro A. Escarez, kasama ang mga Barangay Health Workers (BHWs) at Barangay Nutrition Scholars (BNS) na tumulong sa pagsasagawa ng mga aktibidad para sa mga residente at mag-aaral.