September 25, 2026 | News by PISD
Serbisyong pangkalusugan ang hatid ng Philippine Institute of Civil Engineers (PICE) Oriental Mindoro Chapter sa kanilang Medical, Optical and Dental Mission para sa mga residente ng Brgy. Navotas, Lungsod ng Calapan ngayong araw
Sa pangunguna ni PICE – OrMin President at Provincial Engineer Edylou Tejido, kasama ang iba pang mga opisyal at miyembro nito, isinagawa ang screening o paunang pagsusuri sa mga residenteng nakiisa at nabigyan ng libreng serbisyo, kabilang ang X-ray, Electrocardiogram (ECG), at eye check-up.
Katuwang ng PICE-OrMin Chapter sa pagsasagawa nito ang Provincial Health Office (PHO), na pinangangasiwaan ni PHO II Dr. Cielo Angela A. Ante, Oriental Mindoro Provincial Hospital (OMPH), Philippine Health Insurance Corporation (PhilHealth), Drugstore Association of the Philippines, Inc. (DSAP) Oriental Mindoro Chapter, Philippine Pharmacists Association, Inc. (PPhA) Oriental Mindoro Chapter, at Department of Information and Communications Technology (DICT).
Bukod ditto, naghandog din ang PhilHealth ng kanilang serbisyong YAKAP, pagpaparehistro sa PhilHealth, Member Portal Assistance, at pag-iisyu ng PhilHealth ID.
Nakatakda namang ilabas ang resulta ng nasabing screening sa Lunes, ika-28 ng Setyembre, sa pagpapatuloy ng nasabing gawain.
Magkakaroon din ng BloodLetting Activity, katuwang ang Oriental Mindoro Blood Council (OMBC) at feeding program para sa mga residente ng nasabing barangay.