September 2, 2026 | News by PISD
๐ง๐ฎ๐๐น๐ผ๐ป๐ด ๐ฏ๐ฎ๐ด๐ผ๐ป๐ด ๐ถ๐บ๐ฝ๐ฟ๐ฎ๐๐๐ฟ๐ฎ๐ธ๐๐๐ฟ๐ฎ ๐ฝ๐ฎ๐ฟ๐ฎ ๐๐ฎ ๐ฒ๐ฑ๐๐ธ๐ฎ๐๐๐ผ๐ป ๐ฎ๐ ๐ธ๐ฎ๐น๐๐๐๐ด๐ฎ๐ป, ๐ถ๐๐ถ๐ป๐ฎ๐ถ๐น๐ฎ๐น๐ถ๐บ ๐๐ฎ ๐ฃ๐ฟ๐ฒ-๐๐ถ๐ฑ๐ฑ๐ถ๐ป๐ด
02 Setyembre 2026, Lungsod ng Calapan โ Nagtipon ang Bids and Awards Committee (BAC) ngayong umaga para sa pre-bidding ng tatlong proyektong pang-imprastraktura na nakatakdang ipatayo sa lalawigan bilang karagdagang pasilidad para sa sektor ng edukasyon at kalusugan.
Kabilang sa mga proyektong pang-edukasyon na isinailalim sa nasabing gawain ang โConstruction of 1 Unit 1 Storey 2 Classrooms at Lower Yunot Elementary School, Bulalacao, Oriental Mindoroโ na nagkakahalaga ng Php6,308,410.43 at โConstruction of 1 Storey 2 Classrooms at Calatagan Elementary School, Pola, Oriental Mindoroโ na nagkakahalaga naman ng Php6,305,148.14.
Magkatuwang na pangungunahan ang pagpapatayo ng mga imprastrakturang ito ng Provincial Government of Oriental Mindoro (PGOM) at Department of Education (DepEd) bilang karagdagang silid-aralan na inaasahang tutugon sa pangangailangan ng mga mag-aaral at guro sa nasabing mga paaralan.
Bukod dito, isinailalim din sa pre-bidding ang Php64,349,368.35 na halaga ng proyektong โConstruction of Oriental Mindoro Central District Hospital, Pinamalayan, Oriental Mindoro.โ
Katuwang ng PGOM sa pagsasakatuparan nito ang Department of Health (DOH) upang higit pang mapaunlad ang pasilidad pangkalusugan para sa mga mamamayang naninirahan sa sentrong bahagi ng lalawigan.
Pinangunahan naman ang nasabing gawain ni BAC Chairperson at Provincial Administrator Atty. Earl Ligorio R. Turano II.
Dinaluhan ito ng BAC Secretariat, sa pangunguna ni Administrative Officer V Engr. Jollie Ver Lasic ng GO -Procurement Division, BAC Vice Chairperson Romeo L. Paner, mga BAC member na sina Special Concerns Division (SCD) Chief Junielo P. Alcuran, Provincial Disaster Risk Reduction and Management (PDRRM) Officer Vinscent B. Gahol, Management Information Services Division (MISD) Head Reywel M. Dela Roca, kinatawan mula sa Provincial Engineering Office (PEO) at mga contractors na nagnanais maging bidders sa mga nabanggit na proyekto.