September 2, 2026 | News by PISD
๐๐ป๐๐ฒ๐ด๐ฟ๐ฎ๐๐ฒ๐ฑ ๐๐ผ๐ฎ๐๐๐ฎ๐น ๐๐ฟ๐ฒ๐ฎ ๐ ๐ฎ๐ป๐ฎ๐ด๐ฒ๐บ๐ฒ๐ป๐ ๐ฃ๐น๐ฎ๐ป ๐ฎ๐ฌ๐ฎ๐ฐ-๐ฎ๐ฌ๐ฎ๐ด, ๐ด๐ฎ๐ฏ๐ฎ๐ ๐๐ฎ ๐ต๐ถ๐ด๐ถ๐ ๐ป๐ฎ ๐ฝ๐ฎ๐ป๐ด๐ฎ๐ป๐ด๐ฎ๐น๐ฎ๐ด๐ฎ ๐๐ฎ ๐บ๐ด๐ฎ ๐ฏ๐ฎ๐๐ฏ๐ฎ๐๐ถ๐ป ๐ฎ๐ ๐บ๐ฎ๐ด๐ฝ๐ฎ๐ฝ๐ฎ๐๐ป๐น๐ฎ๐ฑ ๐๐ฎ ๐ฝ๐ฎ๐ป๐ด๐ถ๐๐ฑ๐ฎ๐ฎ๐ป
02 Setyembre 2026, Lungsod ng Calapan – Patuloy na isinusulong sa lalawigan ang higit na pagpapatatag ng mga baybayin at mas likas-kayang pagpapaunlad sa sektor ng pangisdaan sa pamamagitan ng Integrated Coastal Area Management Plan (ICAMP) 2024-2028.
Kaugnay nito, nagtipon ngayong araw ang iba’t ibang ahensya ng pamahalaan at mga pribadong grupong katuwang ng Pamahalaang Panlalawigan para sa nasabing layunin upang i-presenta at pag-usapan ang balangkas ng ICAMP 2024-2028
Ang pagbuo nito ay inisyatiba ng Malampaya Foundation, Inc., katuwang ang Pamahalaang Panlalawigan ng Oriental Mindoro at iba pang partner agencies sa ilalim ng Verde Island Passage Conservation Program, tulad ng DOE, PNOC EC, UC38 LLC at Prime Energy.
Magsisilbi itong gabay sa paglikha ng mga programa at polisiyang higit na mangangalaga sa mga baybayin, at magbabawas sa panganib na dulot ng pabagu-bagong lagay ng panahon at iba pang mga hamong nakaaapekto rito.
Gayundin, itatakda nito ang mga mahahalagang hakbang at mga pamamaraan tungo sa mas likas-kayang kabuhayan para sa mga komunidad na kabilang sa sektor ng pangisdaan.
Pinangasiwaan naman ang gawain ng Provincial Agriculturistโs Office (PAgO) na pinamumunuan ni Provincial Agriculturist Christine Pine, sa pamamagitan ng Fisheries and CRM Division.
Pinangunahan naman ang naging presentasyon ng ICAMP 2024-2028 ni ICAMP Consultant Dr. Katherine Sanchez-Escalona.
Dinaluhan ito nina Provincial Environment and Natural Resources (PG-ENR) Officer EnP Lily May E. Lim, mga kinatawan mula sa Provincial Legal Office (PLO), Philippine National Police (PNP), Philippine Coast Guard (PCG), Department of Environment and Natural Resources (DENR), Conservation International Philippines at iba pang mga konsernadong ahensya.