July 23, 2026 | News by PISD
๐๐๐ ๐ ๐๐๐ ๐๐๐ก๐๐ ๐ข ๐ง๐ ๐๐๐๐ฅ๐๐ฆ๐๐ง ๐ฌ๐ ๐๐ซ๐จ๐๐ฎ๐ค๐ฌ๐ฒ๐จ๐ง ๐ง๐ ๐๐๐ ๐ข๐ง๐ ๐๐ญ ๐๐ข๐ง๐ฒ๐ ๐ฉ๐๐ซ๐ ๐ฌ๐ ๐ฆ๐ ๐ ๐๐๐ญ๐ฎ๐ญ๐ฎ๐๐จ๐ง๐ ๐๐๐ฆ๐๐ฒ๐๐ง๐๐ง 
Patuloy na pinalalakas ang kabuhayan ng mga Katutubong Pamayanan (Indigenous Peoples) sa Oriental Mindoro sa pamamagitan ng makabagong kaalaman sa agrikultura.
Nagsilbing Resource Person ang Provincial Agriculturistโs Office (PAgO) sa Training on Banana and Pineapple Production na isinagawa ng National Commission on Indigenous Peoples (NCIP) noong Hulyo 22, 2026 sa Brgy. Narra, Gloria, Oriental Mindoro. Dinaluhan ito ng mga miyembro ng Maunlad Na Katutubong Samahan ng Mansaring sa Kabuhayan (MAKASAMAKA) upang matutunan ang wastong teknolohiya sa produksyon ng saging at pinya.
Pinangunahan nina Engr. Christian Generato, Ms. Sharmaine Cruzado, at Mr. John Ivan Sode ng PAgO ang pagbabahagi ng mga teknolohiya at praktikal na kaalaman sa produksyon ng saging at pinya, habang pinangasiwaan naman ni NCIP – Service Center Head Ms. Eden M. Cenon ang pagsasagawa ng aktibidad.
Layunin ng pagsasanay na mapataas ang kaalaman at kakayahan ng mga kalahok upang makapagtatag ng mas produktibo at napapanatiling kabuhayan sa agrikultura.
Bilang pagpapatuloy ng programa, magkakaloob ang NCIP ng mga planting materials at iba pang farm inputs upang masuportahan ang aktwal na pagpapatupad ng kanilang mga natutunan.
Patuloy ang pagtutulungan ng National Commission on Indigenous Peoples (NCIP) at ng Provincial Government of Oriental Mindoro, sa pamamagitan ng Provincial Agriculturistโs Office (PAgO), sa pagpapatupad ng mga programang nagpapalakas sa sektor ng agrikultura at lumilikha ng mas marami at mas napapanatiling oportunidad sa kabuhayan para sa mga Katutubong Pamayanan sa Oriental Mindoro.