July 16, 2026 | News by PISD
Industriya ng Fiber sa Oriental Mindoro palalakasin
15 Hulyo 2026, Victoria — Isusulong ng Pamahalaang Panlalawigan sa pamumuno ni Gobernador Humerlito “Bonz” A. Dolor ang pagpapalakas sa industriya ng banana at abaca fiber sa lalawigan.
Ginanap ang Farmers’ Training on the Operation and Maintenance of Multi-fiber Decorticating Machine (MFDM) for Banana Fiber Production ngayong araw sa Barangay San Gabriel, Victoria.
Iniatas ni Gob. Bonz ang pag-organisa ng mga samahan at maging accredited sa Sangguniang Panlalawigan, sa pamamagitan ng Provincial Cooperatives Development Office (PCDO).
Magkakaloob ang Pamahalaang Panlalawigan ng initial capital para sa mga kwalipikadong samahan, samantalang ang PhilFIDA naman ang mamumuno sa pagkakaloob ng mga teknikal na pagsasanay.
Makikipagtuwang din ang Pamahalaang Panlalawigan sa iba’t ibang ahensya tulad ng Department of Science and Technology (DOST) at Department of Labor and Employment (DOLE) para sa mga makabagong teknolohiya at tulong-pangkabuhayan.
Samantala, binigyang-diin ni Philippine Fiber Industry Development Authority (PhilFIDA) Executive Director Arnold Ali I. Atienza ang kahalagahan ng paglikha ng mga value-added products mula sa banana at abaca fiber upang mas mapalaki ang kita ng mga magsasaka.
Sumuporta rin sa gawain sina PhilFIDA Regional Director Adil B. Khan, Board Member Alely Casubuan-Tan, Board Member Ryan Z. Arago, Victoria Mayor Richard V. Inciong, mga kinatawan mula sa Provincial Agriculturist’s Office, at iba pang mga opisyal.