July 8, 2026 | News by PISD
๐ฅ๐๐๐ ๐๐ฆ ๐ง๐ฟ๐ฎ๐ถ๐ป๐ถ๐ป๐ด ๐ฃ๐ถ๐ป๐ฎ๐น๐ฎ๐ธ๐ฎ๐ ๐ฎ๐ป๐ด ๐๐ถ๐ด๐ถ๐๐ฎ๐น ๐ฅ๐ฒ๐ด๐ถ๐๐๐ฟ๐ฎ๐๐ถ๐ผ๐ป ๐ป๐ด ๐๐ด๐ฟ๐ถ๐ฐ๐๐น๐๐๐ฟ๐ฎ๐น ๐ ๐ฎ๐ฐ๐ต๐ถ๐ป๐ฒ๐ฟ๐ ๐๐ฎ ๐ข๐ฟ๐ถ๐ฒ๐ป๐๐ฎ๐น ๐ ๐ถ๐ป๐ฑ๐ผ๐ฟ๐ผ
Mas maayos na datos, mas mahusay na pagpaplano para sa mekanisadong agrikultura.
Bilang bahagi ng pagsusulong ng digital transformation sa sektor ng agrikultura, isinagawa ang Hands-on Training on the Use of the Registration of Ownership of Agricultural and Fisheries Machinery and Equipment System (RAFMES) noong Hulyo 7, 2026 sa Tamaraw Hall, Provincial Capitol Complex, Calapan City.
Pinangunahan ang pagsasanay ng Department of Agriculture โ Regional Agricultural Engineering Division (DA-RAED) at ng Philippine Center for Postharvest Development and Mechanization (PHilMech), sa pakikipagtulungan ng Pamahalaang Panlalawigan ng Oriental Mindoro at Provincial Agriculturistโs Office.
Layunin ng aktibidad na palakasin ang kakayahan ng mga technical personnel sa paggamit ng RAFMES, isang online registration system na itinatag sa ilalim ng Agricultural and Fisheries Mechanization (AFMech) Law o Republic Act No. 10601 para sa pagrerehistro ng pagmamay-ari ng mga agricultural at fisheries machinery at equipment.
Sa pagsasanay, tinalakay ang mga polisiya at alituntunin sa registration alinsunod sa DA-DILG Joint Memorandum Circular No. 2018-02, gayundin ang wastong paggamit ng RAFMES. Nagsagawa rin ng hands-on exercises kung saan aktuwal na natutunan ng mga kalahok ang paggawa ng user accounts, data encoding at updating, data validation, pag-print ng QR stickers at CAFMER, at report generation.
Ayon sa PHilMech, mahalagang bahagi ang RAFMES sa pagbuo ng isang organisado at digitalized na database ng mga makinaryang ginagamit sa agrikultura at pangisdaan. Ang impormasyong ito ay magsisilbing mahalagang batayan sa pagpaplano, pagmomonitor, at pagpapatupad ng mga programang magpapalakas sa mekanisasyon ng sektor.
Ang inisyatibong ito ay kaakibat ng patuloy na suporta ng Pamahalaang Panlalawigan ng Oriental Mindoro sa ilalim ng pamumuno ni Governor Humerlito โBonzโ A. Dolor at ng Provincial Agriculturistโs Office sa pangunguna ni Provincial Agriculturist Christine M. Pine sa pagsusulong ng modernisasyon, mekanisasyon, at digitalization ng agrikultura para sa kapakinabangan ng mga magsasaka at mangingisda ng lalawigan.