July 6, 2026 | News by PISD
๐ฃ๐๐ด๐ข, ๐๐ฆ๐ข ๐ฎ๐ ๐ก๐๐, ๐บ๐ฎ๐ด๐ธ๐ฎ๐ธ๐ฎ๐๐๐๐ฎ๐ป๐ด ๐ป๐ฎ ๐ป๐ฎ๐ด-๐ถ๐ป๐๐ฝ๐ฒ๐ธ๐๐๐ผ๐ป ๐๐ฎ ๐ฟ๐ถ๐ฐ๐ฒ ๐ฝ๐ฟ๐ผ๐๐ถ๐ฑ๐ฒ๐ฟ๐ ๐๐ฎ ๐ถ๐น๐ฎ๐น๐ถ๐บ ๐ป๐ด ๐ฆ๐ฎ๐ด๐ถ๐ฝ ๐ฆ๐ฎ๐ธ๐ฎ ๐ฃ๐ฟ๐ผ๐ด๐ฟ๐ฎ๐บ
06 Hunyo 2026, Oriental Mindoro – Bilang bahagi ng paghahanda sa pagpapatupad ng Sagip Saka Program at upang matiyak na de-kalidad ang ipamamahaging bigas sa mga benepisyaryo nito sa lalawigan, nagsagawa ng inspeksyon ngayong ika-06 ng Hulyo ang Pamahalaang Panlalawigan sa pamamagitan ng Provincial Agriculturistโs Office (PAgO), katuwang ang Provincial General Services Office (PGSO) at mga kinatawan mula sa National Foods Authority (NFA) sa limang (5) rice providers na nanalo sa bidding.
Layunin nitong tiyakin ang kahandaan ng mga ito base sa mga itinakdang pamantayan sa pagpoproseso at produksyon ng bigas. Sa pamamagitan nito, maisisigurong maganda ang kalidad ng bigas na matatanggap ng bawat benepisyaryo.
Kasama sa mga lokal na samahan at kooperatiba na magsusuplay ng bigas sa ilalim ng Sagip Saka Program ang Naujan Multi-purpose Cooperative (NAMCO), Cacawan Sinag Agriculture Cooperative, Salcedo Irrigatorโs and Farmerโs Agriculture Cooperative (SIFAgCO), Calapan Farm Family Multi-Purpose Cooperative (CALFFAMCO) at Bongabong Coconut Farmers Multipurpose Cooperative (BOCOFAMCO).
Magsisimula nang mamahagi ang Pamahalaang Panlalawigan ng bigas sa ika-10 ng Hulyo sa lahat ng mga bayan at Lungsod sa lalawigan.
Samantala, bukod sa mga benepisyaryo ng programa, itinuturing din na malaking tulong ito sa mga lokal na magsasaka ng lalawigan para mapataas ang kanilang produksyon, ani at kita.