July 5, 2026 | News by PISD
๐ ๐ด๐ฎ ๐ฏ๐ฎ๐ด๐ผ๐ป๐ด ๐ผ๐ฝ๐ถ๐๐๐ฎ๐น ๐ป๐ด ๐ฃ๐๐๐ฃ๐ ๐ข๐ฟ๐ถ๐ฒ๐ป๐๐ฎ๐น ๐ ๐ถ๐ป๐ฑ๐ผ๐ฟ๐ผ ๐๐ต๐ฎ๐ฝ๐๐ฒ๐ฟ, ๐ป๐ฎ๐ป๐๐บ๐ฝ๐ฎ ๐๐ฎ ๐ต๐ฎ๐ฟ๐ฎ๐ฝ ๐ป๐ถ ๐๐ผ๐. ๐๐ผ๐น๐ผ๐ฟ
05 Hulyo 2026 | Lungsod ng Calapan- Pormal na nanumpa sa harap ni Oriental Mindoro Governor Humerlito “Bonz” Dolor, bilang inducting officer, ang mga bagong opisyal ng Philippine Institute of Certified Public Accountants (PICPA)โOriental Mindoro Chapter sa ginanap na Induction and Turnover Ceremony sa Kapitolyo nitong Linggo, Hulyo 5.
Pinangunahan ni incoming Chapter President Mark Christian Castillo ang panunumpa kasama ang bagong hanay ng mga opisyal, hudyat ng pagsisimula ng kanilang panunungkulan at paglilingkod sa samahan ng Certified Public Accountants (CPA) sa lalawigan. Kasama rin ng grupo ang lahat ng opisyal ng PICPA.
Naging bahagi rin ng programa ang pagkilala sa mga bagong CPA, kabilang si Charles Gabriel M. Beron, na Top 18 sa nakaraang May 2026 Certified Public Accountant Licensure Examination (CPALE).
Sa kanyang mensahe, binigyang-diin ni Gob. Dolor na bagama’t kakaunti ang mga myembro ng organisasyon sa lalawigan, mahalaga ang papel na ginagampanan ng mga CPA sa maayos, tapat, at transparent na pamamahala ng pananalapi sa pamahalaan at pribadong sektor. Aniya, malaki ang kanilang ambag sa wastong paggamit ng pondo at pagpapanatili ng pananagutan sa mga institusyon.
Kasunod nito, ipinahayag din ni Gob. Dolor ang kanyang patuloy na suporta sa PICPA. Kabilang na rito ang planong pagkakaloob ng tulong pinansyal sa mga kwalipikadong mag-aaral ng kursong Accountancy.
Kagalakan at pasasalamat naman mensahe ng mga opisyal ng samahan sa patuloy na suporta sa kanila ng Pamahalaang Panlalawigan.
Kabilang sa mga dumalo sa programa sina PICPA Southern Tagalog Region (STAR) Regional Director Maria Elma L. Ilagan-Ame at First Lady Hiyas Govinda Ramos-Dolor.