July 1, 2026 | News by PISD


๐ ๐ฎ๐ต๐ถ๐ด๐ถ๐ ๐ณ,๐ฑ๐ฌ๐ฌ ๐ง๐๐ฆ๐๐ ๐ฆ๐ฐ๐ต๐ผ๐น๐ฎ๐ฟ๐, ๐ป๐ฎ๐ธ๐ฎ๐น๐ฎ๐ฎ๐ป ๐ฝ๐ฎ๐ฟ๐ฎ ๐๐ฎ ๐ข๐ฟ๐ถ๐ฒ๐ป๐๐ฎ๐น ๐ ๐ถ๐ป๐ฑ๐ผ๐ฟ๐ผ ๐ป๐ด๐ฎ๐๐ผ๐ป๐ด ๐ฎ๐ฌ๐ฎ๐ฒ
30 Hunyo 2026, Lungsod ng Calapan – Bilang bahagi ng mas pinalawak na programa ng Technical Education and Skills Development Authority (TESDA) MIMAROPA sa pagpapaunlad ng kasanayan, kakayahan at kabuhayan ng mga mamamayan, mula sa 15,000 TESDA scholars sa buong rehiyong MIMAROPA para sa taong 2026, mahigit 7,500 dito ang kanilang inilaan para sa lalawigan ng Oriental Mindoro.
Sa naging talakayan sa Kapihan sa PIA MIMAROPA kahapon, ika-30 ng Hunyo, inanunsyo ito ni TESDA Oriental Mindoro Provincial Director Vanessa Jane D. Aceveda kasama si TESDA MIMAROPA Regional Operations Division Chief Manuel C. Lacson sa harap ng mga lokal na mamamahayag sa lalawigan.
Ngayong buwan ng Hunyo, umabot na sa halos 4,000 ang bilang ng mga TESDA Scholars sa lalawigan o katumbas ng 52% mula sa kabuuang bilang nito na mahigit 7,500.
Ang Oriental Mindoro ang nakakuha ng pinakamataas na bilang ng scholars na laan ng TESDA ngayong taon.
Malaking oportunidad ito para sa mga Oriental Mindoreรฑo upang magkaroon ng pagkakataon na mapalawak ang kanilang kaalaman at kasanayan sa mga programang teknikal at bokasyunal ng TESDA na maaari nilang magamit sa kanilang hanapbuhay.

