June 23, 2026 | News by PISD
𝟐𝐧𝐝 𝐐𝐮𝐚𝐫𝐭𝐞𝐫𝐥𝐲 𝐌𝐞𝐞𝐭𝐢𝐧𝐠 𝐧𝐠 𝐏𝐫𝐨𝐯𝐢𝐧𝐜𝐢𝐚𝐥 𝐍𝐮𝐭𝐫𝐢𝐭𝐢𝐨𝐧 𝐂𝐨𝐦𝐦𝐢𝐭𝐭𝐞𝐞, 𝐈𝐬𝐢𝐧𝐚𝐠𝐚𝐰𝐚
23 𝘏𝘶𝘯𝘺𝘰 2026, 𝘓𝘶𝘯𝘨𝘴𝘰𝘥 𝘯𝘨 𝘊𝘢𝘭𝘢𝘱𝘢𝘯- Kasalukuyang ginaganap ang 2nd Quarterly Meeting ng Provincial Nutrition Committee (PNC) sa Kapitolyo ngayong araw.
Pangunahing layunin nitong matalakay ang mahahalagang inisyatiba ng Pamahalaang Panlalawigan sa pamamagitan ng Provincial Health Office (PHO) ukol sa iba’t ibang programa may kaugnayan sa nutrisyon.
Pinangunahan ni Provincial Nutrition Action Officer at PHO II Dr. Cielo Angela Ante ang mahalagang gawain.
Sa naturang pagpupulong, tinalakay ang mahahalagang usapin kaugnay ng nutrisyon at kalusugan sa lalawigan, kabilang ang resulta ng First Quarter Operation Timbang CY 2026, paghahanda para sa taunang pagdiriwang ng Nutrition Month, at mga kinalabasan ng Monitoring and Evaluation of Local Level Plan Implementation (MELLPI).
Bahagi rin ng pagpupulong ang focus group discussion, pagbibigay ng updates sa implementasyon ng mga programa ng Vitamin Angels Philippines, kalagayan ng Food Processing Facility sa Oriental Mindoro, at iba pang mga programang pangkalusugan at pangnutrisyon.
Dinaluhan ito nina Sangguniang Panlalawigan (SP) Presiding Officer at Vice Governor Antonio S. Perez, Jr., 2nd District Board Member at SP Committee on Health Chairperson Atty. Jom Dimapilis, 1st District Board Member Ryan Z. Arago, City/Municipal Nutrition Action Officers(C/MNAO) at mga Barangay Nutrition Scholars (BNS) president mula sa iba’t ibang bayan, kinatawan mula sa mga ahensya ng pamahalaan kabilang ang PDOHO, DILG, DepEd, at iba pang komsernadong indibidwal.