June 13, 2026 | News by PISD
๐๐ฒ๐ป๐๐ฒ๐ป๐ฎ๐ฟ๐ถ๐ฎ๐ป ๐ก๐ฎ๐ป๐ฎ๐ ๐๐๐ถ๐ฑ๐ผ๐ฟ๐ฎ ๐ ๐ฎ๐ด๐ฏ๐ฎ๐ป๐๐ฎ ๐ป๐ด ๐ ๐ฎ๐ป๐๐ฎ๐น๐ฎ๐, ๐ถ๐ป๐๐ฝ๐ถ๐ฟ๐ฎ๐๐๐ผ๐ป ๐๐ฎ ๐บ๐ฎ๐น๐๐๐ผ๐ด ๐ป๐ฎ ๐ฝ๐ฎ๐บ๐๐บ๐๐ต๐ฎ๐
13 Hunyo 2026, Mansalay – Inspirasyon ng malusog na pamumuhay ang naging kwento sa likod ng ika-100 taon ni nanay Isidora โOrayโ M. Magbanua na nagdiwang ng kaniyang kaarawan noong ika-15 ng Marso.
Personal na binisita ni Gobernador Humerlito โBonzโ A. Dolor at First Lady Hiyas Govinda Ramos Dolor si Nanay Oray sa kanyang tahanan sa Sitio Calumon II, Brgy. Del Mundo, Mansalay.
Sa pangangalaga ng kaniyang bunsong anak na si Welinda Mondea, pagkain ng sari-saring gulay tulad ng labong at iba pang masusustansyang pagkain ang naging sikreto sa mahabang buhay ng kaniyang ina.
Itinaguyod ni Nanay Oray ang kaniyang mga anak sa pamamagitan ng pagtitinda ng tuba na kinukuha noon ng kaniyang asawa mula sa puno ng niyog.
Bagamaโt mahina na ang pandinig, masigla pa siyang nakipagkwentuhan kay Gob. Dolor.
Bilang pagkilala naman sa yugto ng ika-isang siglo ng kaniyang buhay, iginawad sa kaniya ng Ama ng Lalawigan ang Php100,000.00 na insentibo, Sertipiko ng Pagkilala at bulaklak na simbolo ng kaniyang pagiging isang natatanging mamayan sa Oriental Mindoro.
Katuwang ng Gobernador sa nasabing gawain ang Provincial Social Welfare and Development Office (PSWDO) na pinangangasiwaan ni PGDH-PSWDO Zarah C. Magboo at Office of the Senior Citizens Affairs (OSCA) sa pangunguna ni Special Assistant on Senior Citizens Affairs Ester Malapitan.