June 9, 2026 | News by PISD
๐๐ฎ๐ธ๐ฏ๐ฎ๐ป๐ด ๐น๐ฎ๐ฏ๐ฎ๐ป ๐๐ฎ ๐ธ๐ฎ๐ธ๐๐น๐ฎ๐ป๐ด๐ฎ๐ป ๐ป๐ด ๐๐๐ฝ๐น๐ฎ๐ ๐ป๐ด ๐ธ๐๐ฟ๐๐ฒ๐ป๐๐ฒ ๐๐ฎ ๐น๐ฎ๐น๐ฎ๐๐ถ๐ด๐ฎ๐ป, ๐๐ป๐ถ๐น๐ฎ๐๐ฎ๐ด ๐๐ฎ ๐ฑ๐ฎ๐๐ฎ๐น๐ผ๐ด๐ผ ๐๐ฎ ๐ฝ๐ฎ๐ด๐ถ๐๐ฎ๐ป ๐ป๐ด ๐ฃ๐๐ข๐ ๐ฎ๐ ๐บ๐ด๐ฎ ๐ฎ๐ต๐ฒ๐ป๐๐๐ฎ ๐๐ฎ ๐๐ฒ๐ธ๐๐ผ๐ฟ ๐ป๐ด ๐ฒ๐ป๐ฒ๐ฟ๐ต๐ถ๐๐ฎ
08 Hunyo 2026, Lungsod ng Calapan – Nakipagdayalogo si Gobernador Humerlito โBonzโ A. Dolor sa mga kinatawan ng National Power Corporation (NAPOCOR), National Transmission Corporation (TransCo), Oriental Mindoro Electric Cooperative (ORMECO) Inc. at isang Independent Power Provider (IPP) kahapon, ika-8 ng Hunyo upang talakayin ang mga kongkretong hakbang para masolusyunan ang kakulangan sa suplay ng kuryente sa lalawigan.
Naging sentro ng pagpupulong ang pagtatayo at pagkonekta ng dalawang (2) bagong planta ng kuryente sa bayan ng Socorro at Lungsod ng Calapan sa 13.8 KV na linya ng ORMECO.
Kapag ito ay naisakatuparan, inaasahang hindi na gaanong maaapektuhan ang sakop nitong mga barangay sa mga bayan ng Pola, Socorro at ilang bahagi ng Pinamalayan, at sa ilang mga barangay sa Lungsod ng Calapan sa ipinatutupad na rotational brownout.
Bukod dito, pinabibilis na rin ang proseso ng pagkonekta ng 7MW na planta ng isang IPP sa bayan ng Bansud sa 69KV transmission line ng NAPOCOR.
Inilatag na ng mga kinatawan ng TransCo ang mga rekisitos na kailangang isumite sa kanila ng naturang IPP upang kaagad na makapagsagawa ng Generating Unit Capability Test (GUCT), makapag-isyu ng clearance at tuluyan nang maikonekta ng NAPOCOR sa kanilang linya.
Ang mga hakbang na ito ay inaasahang makatutulong sa pagtugon sa pangangailangan ng sapat at maaasahang suplay ng kuryente sa lalawigan.