May 12, 2026 | News by PISD
Tagbakin Falls Trek Project, Isinusulong ang ₱70M TIEZA Funding!
Inaprubahan ng Sangguniang Panlalawigan ang Resolusyon na inakda ni Board Member Atty. Roland Ruga na naghihiling ng ₱70,000,000.00 mula sa Tourism Infrastructure and Enterprise Zone Authority (TIEZA) para sa Tagbakin Falls Trek Adventure Component ng Naujan Lake Tourism Development Project ng Pamahalaang Panlalawigan sa Pola, Oriental Mindoro.
Layunin ng proyekto ang pagpapaunlad ng eco-tourism, paglikha ng trabaho, at pagpapalakas ng kabuhayan ng mga lokal na komunidad, habang pinangangalagaan ang likas na yaman ng lalawigan.
Tiniyak na ang pagpapatupad nito ay mahigpit na susunod sa lahat ng environmental laws, rules and regulations, at kaukulang permits at clearances.
Video courtesy of 12th Sangguniang Panlalawigan Media Coverage.