March 28, 2026 | News by PISD
28 Marso 2026, Socorro – Pormal nang binuksan ang Naujan Lake Wetland Showroom sa Barangay Happy Valley, bayan ng Socorro ngayong araw.
Pinangunahan ni Governor “Bonz” A. Dolor ang pagbubukas ng pasilidad, kasama ang kanyang may bahay, First Lady Hiyas Govinda Ramos- Dolor, Vice Governor Atty. Antonio CA “Jojo” S. Perez, Jr. Mayor Nemmen Perez at Vice Mayor Allan Kenneth Tolentino.
Ang showroom ay nagsisilbing sentro ng impormasyon at pagkatuto para sa mga residente, mag-aaral, at mga turista kung saan maaaring matutunan ang kahalagahan ng wetland ecosystem, biodiversity, at konserbasyon ng lawa.
Inaasahan ng Pamahalaang Panlalawigan na makatutulong ang pasilidad sa pagpapalakas ng environmental awareness at pagsusulong ng sustainable ecotourism sa paligid.
Dinaluhan din ang programa nina Board Member Alely Casubuan-Tan at Ryan Arago, MinSu President Dr. Enya Marie Apostol, Department of Environment and Natural Resources, Department of Education, Department Heads, Oriental Mindoro Federation at mga kasapi ng Conception Riders Club.