February 9, 2026 | News by PISD
๐๐ถ๐ฏ๐ฟ๐ฒ๐ป๐ด ๐น๐ฒ๐ด๐ฎ๐น ๐ฎ๐ฑ๐๐ถ๐ฐ๐ฒ, ๐ต๐ฎ๐ป๐ฑ๐ผ๐ด ๐ป๐ด ๐ฃ๐๐ข๐ ๐๐ฎ ๐ข๐ถ๐น ๐ฆ๐ฝ๐ถ๐น๐น ๐๐น๐ฎ๐ถ๐บ๐ฎ๐ป๐๐
09 Pebrero 2026, Lungsod ng Calapan – Libreng legal na payo mula sa mga abogado sa lalawigan ang inihatid ng Pamahalaang Panlalawigan ng Oriental Mindoro (PGOM) sa isinagawang Oil Spill Claimantsโ Caravan ngayong araw.
Sa pangunguna ng Provincial Administratorโs Office na pinamumunuan ni Provincial Administrator Atty. Earl Ligorio R. Turano II katuwang ang Integrated Bar of the Philippines, layunin ng programa na tulungan ang mga apektadong mangingisda at fish vendors ukol sa pagpoproseso sa husgado ng kanilang haing reklamo kaugnay sa nangyaring oil spill.
Isa-isang sumailalim sa konsultasyon ang mga nasabing claimants kaharap ang mga inimbitahang abogado, kabilang ang mga abogadong kawani ng Pamahalaang Panlalawigan.
Samantala, ang mga hindi naman nakadalo sa nasabing programa at nagnanais pa ring ipagpatuloy ang paghahain ng kaso sa husgado ay maaaring magtungo sa Provincial Legal Office upang mabigyan ng tulong ukol sa pagpoproseso nito.
Nagpaalala naman si PA Turano sa mga residente na kinakailangang mayroong hawak na letter of denial o letter of partial payment mula sa IOPC ang mga claimants bago magtungo sa nasabing tanggapan sapagkat kinakailangan ito upang maproseso ang kanilang claims.