January 11, 2026 | News by PISD
𝗛𝗮𝗸𝗯𝗮𝗻𝗴 𝗧𝘂𝗻𝗴𝗼 𝘀𝗮 𝗞𝗮𝗯𝘂𝗵𝗮𝘆𝗮𝗻 | 𝗣𝗮𝗺𝗮𝗺𝗮𝗵𝗮𝗴𝗶 𝗻𝗴 𝗨𝗹𝗮𝗻𝗴 𝗙𝗶𝗻𝗴𝗲𝗿𝗹𝗶𝗻𝗴𝘀 𝗜𝘀𝗶𝗻𝗮𝗴𝗮𝘄𝗮
𝗝𝗮𝗻𝘂𝗮𝗿𝘆 10, 2026
Isinagawa noong Enero 10, 2026 ang pamamahagi ng ulang (freshwater prawn) fingerlings bilang bahagi ng 𝗨𝗹𝗮𝗻𝗴 𝗙𝗮𝗿𝗺𝗶𝗻𝗴 𝗣𝗿𝗼𝗷𝗲𝗰𝘁, na ginanap sa Provincial Demo Farm Merit, Victoria, Oriental Mindoro.
Pinangunahan ang aktibidad nina Mr. Orlando B. Tizon PGDH–PCDO, kasama sina Mr. Romeo Paner at iba pang kawani ng Provincial Cooperative Development Office (PCDO), katuwang si Mr. Julius Rodriguez ng Bureau of Fisheries and Aquatic Resources (BFAR) MIMAROPA.
Bago ang aktwal na distribusyon, nagsagawa muna ng maikling orientation para sa mga benepisyaryong kooperatiba at asosasyon, kung saan tinalakay ang wastong pag-aalaga, acclimatization, at paunang pamamahala ng ulang fingerlings upang masiguro ang mataas na survival rate at maayos na produksyon.
Matapos ang orientation, agad na sinimulan ang pamamahagi ng ulang fingerlings sa 11 kwalipikadong benepisyaryo 𝗄𝖺𝖻𝗂𝗅𝖺𝗇𝗀 𝖺𝗇𝗀 𝗔𝗠𝗔𝗖𝗢, 𝗦𝗜𝗙𝗜𝗦𝗖𝗢, 𝗠𝗔𝗬𝗔𝗕𝗔𝗖𝗢, 𝗣𝘂𝘁𝗶𝗰𝗮𝗻 𝗖𝗮𝗯𝘂𝗹𝗼 𝗖𝗼𝗰𝗼𝗻𝘂𝘁 𝗙𝗮𝗿𝗺𝗲𝗿𝘀 𝗔𝗴𝗿𝗶𝗰𝘂𝗹𝘁𝘂𝗿𝗲 𝗖𝗼𝗼𝗽𝗲𝗿𝗮𝘁𝗶𝘃𝗲, 𝗦𝗔𝗟𝗜𝗞𝗔 𝗔𝗖, 𝗧𝗮𝗰𝗹𝗶𝗴𝗮𝗻 𝗖𝗼𝗰𝗼𝗻𝘂𝘁 𝗙𝗮𝗿𝗺𝗲𝗿𝘀 𝗔𝘀𝘀𝗼𝗰𝗶𝗮𝘁𝗶𝗼𝗻, 𝗦𝗮𝗻 𝗝𝘂𝗮𝗻 𝗥𝗜𝗖, 𝗩𝗢𝗗𝗔𝗖𝗧𝗖𝗢, 𝗤𝗔𝗥𝗔, 𝗕𝗔𝗚𝗢𝗥𝗔 𝗮𝘁 𝗡𝗔𝗠𝗙𝗔𝗖𝗢 bilang paghahanda sa paglalagay ng mga ito sa kani-kanilang mga pond.
Bilang karagdagang suporta, nagbigay rin ang BFAR MIMAROPA ng panimulang feeds para sa mga ulang fingerlings upang matulungan ang mga benepisyaryo sa unang yugto ng pagpapalaki at masiguro ang maayos na paglaki ng mga ito.
Ang aktibidad ay isinagawa bilang inisyatiba ng Provincial Cooperative Development Office (PCDO) sa pakikipagtulungan ng BFAR MIMAROPA, sa pamumuno ni Regional Director Roberto Abrera, katuwang ang Provincial Agriculture Office (PAgO) sa pamumuno ni Ms. Christine Pine, at ang Pamahalaang Panlalawigan ng Oriental Mindoro (PGOM) sa pamumuno ni Governor Humerlito Dolor.
Ang pamamahagi ng ulang fingerlings ay layong makapagbigay ng alternatibong kabuhayan, mapalakas ang kita, at makapagbukas ng bagong oportunidad sa aquaculture para sa mga kasaping kooperatiba at asosasyon sa lalawigan 𝗇𝗀 𝖮𝗋𝗂𝖾𝗇𝗍𝖺𝗅 𝖬𝗂𝗇𝖽𝗈𝗋𝗈.