December 16, 2025 | News by PISD
𝗞𝗮𝗮𝗹𝗮𝗺𝗮𝗻 𝗮𝘁 𝗣𝗮𝗴-𝗶𝗶𝗻𝗴𝗮𝘁: 𝗦𝗮𝗺𝗮-𝘀𝗮𝗺𝗮𝗻𝗴 𝗣𝗮𝗻𝗹𝗮𝗯𝗮𝗻 𝘀𝗮 𝗜𝗟𝗜
Sa pagdami ng mga pagtitipon at selebrasyon, mahalagang maging handa at may sapat na kaalaman upang maiwasan ang Influenza-Like Illness (ILI). Kaya naman nagbahagi tayo ng impormasyon tungkol sa kung ano ang ILI, paano ito naipapasa, at ano ang mga dapat gawin upang makaiwas at makapag-alaga kung sakaling magkasakit.
𝗔𝗻𝗼 𝗮𝗻𝗴 𝗜𝗟𝗜?
Ang ILI ay karaniwang nagdudulot ng:
• Lagnat na 38°C pataas
• Ubo na nagsimula sa loob ng nakaraang 10 araw
Maari ring makaranas ng:
• Pananakit ng lalamunan
• Sipon
• Pananakit ng ulo at katawan
• Panghihina at pagkapagod
𝗣𝗮𝗮𝗻𝗼 𝗶𝘁𝗼 𝗻𝗮𝗶𝗽𝗮𝗽𝗮𝘀𝗮?
Ang ILI ay kadalasang naipapasa sa pamamagitan ng droplets mula sa pag-ubo o pagbahing ng taong may sakit.
𝗣𝗮𝗮𝗻𝗼 𝗺𝗮𝗸𝗮𝗸𝗮𝗶𝘄𝗮𝘀?
Magpabakuna laban sa trangkaso ang buong pamilya
Iwasan ang masisikip at matataong lugar
Magsuot ng face mask, lalo na kung may sakit
Takpan ang bibig at ilong kapag uubo o babahing
Siguraduhin ang maayos na bentilasyon at airflow
Ugaliin ang madalas na paghuhugas ng kamay gamit ang sabon at tubig
Kumain ng masustansya, uminom ng sapat na tubig, at mag-ehersisyo upang mapalakas ang resistensya
Kung may hirap sa paghinga, sobrang taas na lagnat, matinding panghihina, o lumalalang sintomas, agad na magpatingin sa pinakamalapit na health center o ospital.
Panlaban natin ang kaalaman at wastong pangangalaga sa sarili.
Bilang isang komunidad, sama-sama nating pangalagaan ang kalusugan ng bawat isa.