October 30, 2025 | News by PISD
๐๐๐ญ๐ฎ๐ฅ๐จ๐ฒ ๐ง๐ ๐๐๐ ๐ฌ๐ฎ๐ฌ๐ฎ๐ฅ๐จ๐ง๐ ๐ง๐ ๐๐๐ฅ๐ฎ๐ฌ๐ฎ๐ ๐๐ง: ๐๐๐, ๐๐๐ ๐ฌ๐๐ ๐๐ฐ๐ ๐ง๐ ๐๐จ๐ง๐ข๐ญ๐จ๐ซ๐ข๐ง๐ ๐ฌ๐ ๐๐๐ฅ๐๐ฐ๐ข๐ ๐๐ง ๐ง๐ ๐๐ซ๐ข๐๐ง๐ญ๐๐ฅ ๐๐ข๐ง๐๐จ๐ซ๐จ I ๐๐๐ญ๐จ๐๐๐ซ ๐๐-๐๐, ๐๐๐๐
Nagsagawa ang Provincial Health Office sa pamamagitan ng National Immunization Program (NIP) Team, katuwang ang PDOHO, ng serye ng monitoring activities sa ibaโt ibang Rural Health Units (RHU) sa lalawigan. Layunin nitong masiguro ang maayos na pagpapatupad ng mga programa sa pagbabakuna at mapanatili ang kalidad ng serbisyong pangkalusugan para sa bawat Mindoreรฑo.
Kasama sa ginawang aktibidad ang pagmomonitor ng cold chain system ng bawat RHU upang matiyak na nananatiling ligtas at epektibo ang mga bakuna.
Kinamusta din ng team ang pagpapatupad ng School-Based Immunization (SBI) sa mga bayan, kabilang na ang mga naging tagumpay, hamon, at pangangailangang suporta mula sa probinsya upang higit pang mapabuti ang implementasyon nito.
Lubos na pasasalamat din sa lahat ng mga RHU ng Bongabong, Roxas, Gloria, Socorro, at Bulalacao sa kanilang aktibong pakikiisa at patuloy na suporta sa mga inisyatiba ng probinsya tungo sa isang malusog at protektadong Oriental Mindoro.
Sa pamamagitan ng tuloy-tuloy na koordinasyon, layunin ng PHO at PDOHO na mapalakas pa ang kampanya sa pagbabakuna at matiyak na bawat bata sa Oriental Mindoro ay ligtas, protektado, at may mas malusog na kinabukasan.