October 23, 2025 | News by PISD
Opisyal nang inilunsad ang bagong choreographed lights and dancing fountain music sa Plaza del Gobernador ngayong gabi ng ika-23 ng Oktubre na tiyak na magdadagdag ng saya at liwanag tuwing gabi.
Sa pamamagitan ng malikhaing isip at dedikadong mga kawani ng Provincial Tourism Office, muling binigyang buhay ang Plaza del Gobernador sa pamamagitan ng modernong kombinasyon ng musika, tubig, at ilaw na sabay-sabay na sumasayaw sa bawat himig ng tugtugin, kabilang na ang opisyal na theme song ng Fiesta Mahal TaNa.
Ang Plaza del Gobernador ang isa sa mga dinarayong pasyalan sa Lungsod ng Calapan – hindi lamang ng mga lokal na residente dito kundi pati na rin ng mga turista mula sa iba’t ibang panig ng lalawigan.
Bukas sa publiko ang lights and dancing fountain show gabi-gabi mula 7:00 hanggang 7:30 ng gabi, kung saan maaaring masaksihan ng lahat ang kahali-halinang kumbinasyon ng ilaw, musika, at galaw ng tubig na magbibigay saya sa bawat bisita.