October 21, 2025 | News by PISD
Ginawaran si Governor Humerlito “Bonz” Dolor ng mga Plake ng Pagkilala (Plaque of Recognition) mula sa DENR MIMAROPA para sa suporta sa Mindoro Biodiversity Corridor (MBC) Project at sa Tamaraw Month Celebration.
Ito ay bahagi ng Recognition of Partners in Tamaraw Conservation sa ginanap na Tamaraw Festival sa Mamburao, Occidental Mindoro ngayong Oktubre 21, 2025. Ang mga plake ay tinanggap ni Ms. Lily May Lim, OIC, PG-ENRO sa ngalan ng Gobernador.
Dinaluhan ang festival ng iba’t ibang delegado mula sa dalawang probinsya, mga namiminuno sa lokal na pamahalaan ng kabilang lalawigan, mga ahensya at mga organisasyong may ugnay sa konserbasyon ng mga tamaraw at buhay-ilang. Kabilang dito sina Vice Mayor Jasmine Fernandez ng Paluan, at For. Ireneo M. Cortuna, PG ENRO ng Occidental Mindoro.