October 10, 2025 | News by PISD
Ito ang prinsipyo ng administrasyon ni Gob. Dolor – ang mga batayang pagpapahalaga ng kasalukuyang pamunuan ng Pamahalaang Panlalawigan sa pagkakaloob ng mga pangunahing serbisyong panlipunan sa mga Mindoreño.
Sa pamamagitan ng paglalatag ng mga nilalaman ng 2026 Annual Investment Program ng bawat opisina ng Kapitolyo, makikita ang landas na nais tahakin ng administrasyong Dolor para sa susunod na taon. Malinaw. Tiyak. Para sa lalawigan at para sa mga mamamayan.
Binibigyang-diin na HINDI ITO BUDGET, kundi AIP ng bawat opisina – ang wish lists ng mga programang pangkaunlarang nais ipatupad ng Pamahalaang Panlalawigan sa darating na taon.
Magsilbi nawa itong malinaw na gabay para sa lahat.
_______________________________________________
Oriental Mindoro Southern District Hospital – OMSDH
Ang Oriental Mindoro Southern District Hospital (OMSDH) na nasa bayan ng Roxas ay may tungkulin na magbigay ng serbisyong medikal sa mga pasyente at tumugon sa mga pangangailangan sa kalusugan ng mga mamamayan sa bayang ito, at maging sa mga karatig munisipyo at lalawigan.
Batay sa kanilang 2026 AIP, inilalahad ng OMSDH ang mga prayoridad na gawain na patungkol sa pagpapabuti ng kalusugan at kapakanan ng bawat Mindoreño sa katimugang bahagi ng Oriental Mindoro.